Ил Түмэн дьокутаата дьону мунньан бэйэтин массыынатынан Бээрийэ баһаарыгар тиийдэ

Ааптар: 
Бөлөххө киир:

Бу күннэргэ бары дьокутааттар ойуур баһаарын умулларыыга көхтөөхтүк кыттан эрэллэрин туһунан иһитиннэриилэр элбээн эрэллэрэ кэрэхсэбиллээх.

Уус Алдан улууһун дьаһалтатын пресс-сулууспата инстаграмҥа суруйбутунан, бэҕэһээ, атырдьах ыйын 10 күнүгэр, Ил Түмэн дьокутаата Геннадий Васильев  дьону мунньан, бэйэтин УАЗ массынатынан, МТЗ тыраахтарынан Бээрийэ баһаарын умуруорууга барда.

Бу иннинэ ыаллыы Таатта улууһугар Чурапчы улууһун дьокутааттара мустан, Ытык Күөлгэ буола турар баһаары умуруора сылдьалларын туһунан иһитиннэрбиппит. Ити курдук, бары улуустарга дьокутааттар ойуур баһаардарыгар Геннадий Васильев курдук дьону көҕүлүүллэрэ буоллар.

Елена ПОТОЦКАЯ, «Саха сирэ» хаһыат.

Хаартыска — Уус Алдан улууһун дьаһалтатын инстаграмыттан.

+1
0
+1
0
+1
0
+1
0
+1
0
+1
0
+1
0