Тохсунньу 14 күнүгэр СӨ Судаарыстыбаннай Мунньаҕар (Ил Түмэн) олохтоох бэйэни салайыныыны тэрийии уопсай тускулларын туһунан федеральнай бырайыагы дьүүллэһиэхтэрэ.
Санатан эттэххэ, РФ субъектарыгар муниципалитет үс көрүҥүн (куорат уокуруга, муниципальнай уокурук, федеральнай суолталаах куораттарга куорат иһинээҕи сир-уот) киллэрэргэ этии оҥоһуллубута (П.Крашенников уонна А.Клишас) Ол эбэтэр, чугастааҕы сылларга Арассыыйаҕа муниципальнай тэриллиилэри киэҥник бөдөҥсүтүү күүтэр.
Судаарыстыбаннай думаҕа докумуону дьүүллэһии 2020 сыл тохсунньутун бүтэһигэр саҕаланыаҕа. Бу бириэмэҕэ диэри санаалар, этиилэр хомуллаллар. Сокуон бырайыагын балаһыанньатын сүрүн чааһа 2023 сыл тохсунньу 1 күнүттэн күүһүгэр киирэрэ сабаҕаланар.
Муниципальнай тэриллиилэр бэрэстэбиитэллэрэ кыттыылаах киэҥ ыҥырыылаах мунньаҕы сарсыарда 10 чааска СӨ парламенын официальнай саайтыгар уонна ИлТумэнонлайн сыылканан киирэн, Ютуб ханаалыгар көрүөххэ сөп.
Надежда ЕГОРОВА, «Саха сирэ», edersaas.ru