Бүгүн, от ыйын 15 күнүгэр, киэһэ 21 чаастан СӨ Ил Дархана Айсен Николаевтыын «Цифровой алмаз» бырайыак иитинэн «Цифровая трансформация Якутии. От первого лица» диэн темаҕа онлайн-кэпсэтии ыытыллыаҕа.
edersaas.ru
Бүтэһик уон сылга Саха сирэ цифровизация уонна информационнай технологиялары олоххо киллэриигэ үрдүк көрдөрүүлэннэ. Билигин өрөспүүбүлүкэ ИТ-өҥөтүн 75 бырыһыанын Уһук Илиҥҥэ таһаарар. Билиҥҥи туругунан бу салааҕа 1500 исписэлиис үлэлиир. 2024 сылга үлэһит ахсаана хас да тыһыынчанан улаатан, 10 тыһыынчаҕа тиийиэхтээх.
Саха сирэ цифровой трансформацияҕа бэйэтин суолун булбутун туһунан «Цифровой алмаз» диэн киинэҕэ кэпсэнэр.
Айсен Николаевы кытары көрсүһүү үрдүкү технологиялары сайыннарыыга ананыаҕа. «Цифровой алмаз» бырайыак ыалдьыттара уонна Саха сирин үгүс олохтоохторо Айсен Сергеевич Уһук Илиҥҥэ цифровизацияны киллэриигэ кылаабынай көҕүлээччинэн буоларын этэллэр.
Онлайн-көрсүһүү “Цифровой алмаз” бырайыак саайтыгар (цифровойалмаз.рф), РАНХиГС цифровай трансформция салайааччыларын бэлэмниир кииннэрин YouTube-ханаалыгар, Digital Russia онлайн-таһаарыыга уонна Санкт-Петербург куорат бастакы цифровой телевидениетыгар (piter.tv) көстүөҕэ.
edersaas.ru