Бүгүн, от ыйын 20 күнүгэр, «Саха» НКИХ ханаалыгар «Ил Дарханныын кэпсэтии» биэриигэ өрөспүүбүлүкэ баһылыга Айсен Николаев ойуур баһаарын бохсууга, умуруорууга ыытыллар үлэлэр тустарынан сиһилии кэпсээтэ.
Федеральнай киинтэн көмө төһө улаханый эбэтэр өссө эбии күүскэ наадыйабыт дуо?
Ил Дархан Айсен Николаев манна бу курдук эттэ:
— Кистэлэҥ буолбатах. Мин саастаах ойуур хаһаайыстыбатын үлэһиттэрин, дьону-сэргэни, наука салайааччыларын кытары кэпсэтэбин. Саха өрөспүүбүлүкэтигэр бу курдук көмө хаһан даҕаны, Сэбиэскэй сойуус да кэмигэр, кэлин даҕаны оҥоһулла илик. Ойуур баһаарын умуруорууга федеральнай резервэ күүстэриттэн уопсайа 800 киһи кэлэн үлэлээн барда. Билигин 700 киһи үлэлии сылдьар. Маны сэргэ, уопсайа 12 сөмөлүөт: ол иһигэр икки Ил-76, Бе-200, уопсайа үс көтөр аал кэлэн үлэлии сылдьар. Итиэннэ РФ Оборонаҕа уонна ЫБММ — барыта аҕыс бөртөлүөт. Итиэннэ Саха сиригэр «Авиалесоохрана» соҕотох ойуур баһаардарын утары үлэлиир ардаҕы аҕалар сөмөлүөтэ манна кэлэн ыйтан ордук үлэлээтэ.