Айылҕа харыстабыла Уопсастыба

«Ил Дарханныын кэпсэтии»: дьону өйүөххэ наада

Бүгүн, от ыйын 20 күнүгэр, «Саха» НКИХ ханаалыгар «Ил Дарханныын кэпсэтии» биэриигэ өрөспүүбүлүкэ баһылыга Айсен Николаев ойуур баһаарын бохсууга, умуруорууга ыытыллар үлэлэр тустарынан кэпсээтэ.

Ойуур баһаардарын умуруорууга үлэлиир дьону өйүөхпүтүн наада.

Ил Дархан Николаев манна бу курдук этэр: 
—Биһиги күүс наада диир буоллахпытына көрдүөхпүтүн сөп буолан баран, мин санаабар, тиэхиньикэ өртүнэн хааччыллыы барда, аны, билигин дьон наада. Ол дьону Арассыыйа муннуктарыттан мунньубакка, мин санаабар, бэйэбит дьоммутун үлэлэтэртэн ордук туһа тахсыаҕа.

Итиннэ этиэм этэ, биһиги дьоммутун хайаан да өйүөхпүтүн, кинилэргэ көмө оҥоруохпутун наада. Бүгүн мин хас да ньыманы эттим. Холобур, булт лиссиэнсийэтигэр. СӨ Экология министиэристибэтигэр 35% квоталарыттан, чуо бу ойуур баһаардарыгар улууска дьоннору үлэлэтэр буоллахтарына, ити квоталары эбии биэрэҥҥит, дьоҥҥо биһирэбил курдук оҥоруҥ диэн эттим. Итинник курдук ньымалары туттуҥ диэн сорудах барда. Биллэн турар, миэстэтигэр эмиэ дьоннорун өйүөхтэрин наада.

0
0