Бүгүн, от ыйын 20 күнүгэр, «Саха» НКИХ ханаалыгар «Ил Дарханныын кэпсэтии» биэриигэ өрөспүүбүлүкэ баһылыга Айсен Николаев ойуур баһаарын бохсууга, умуруорууга ыытыллар үлэлэр тустарынан кэпсээтэ.
Сорохтор «Бе-200» сөмөлүөтү атыылаһыахха наада дииллэр.
Ил Дархан Николаев манна бу курдук этэр:
— Сорох дьон «Бе-200» биһиэхэ бэйэбитигэр наада, итинник сөмөлүөтү атыылаһыахха баара диэн этэллэр. Хомойуох иһин, итинник сөмөлүөттэр олох аҕыйахтар. РФ Оборонаҕа министиэристибэтин уонна ЫБММ үрдүнэн баара-суоҕа уонча эрэ сөмөлүөт баар. Итинник салгын ааллара оҥоһуллубатахтара да ыраатта быһыылаах, мин өйдүүрбүнэн. Онон ити анал сулууспаларга эрэ баар анал сөмөлүөттэр. Этэбин, Арассыыйа уонча сөмөлүөтүттэн биһиги өрөспүүбүлүкэбитигэр үһэ кэлэн үлэлии сылдьар. Ил -76 диэн улахан байыаннай сөмөлүөттэр кэлэн үлэлии сылдьаллар. Сөптөөх көмө оҥоһулла турар.