Бүгүн, алтынньы 3 күнүгэр, СӨ Ил Дархана Айсен Николаев өрөспүүбүлүкэҕэ национальнай бырайыактарынан уонна судаарыстыба бырагырааматынан олоххо киллэриллэр эбийиэктэри тутуунан суһал ыстаап уочараттаах мунньаҕын ыытта.
Мунньахха Үөһээ Бүлүү, Бүлүү, Дьааҥы, Горнай, Таатта, Мэҥэ Хаҥалас оройуоннарыгар оскуолалары уонна уһуйааннары тутуу боппуруостара көрүлүннүлэр. Судаарыстыбаннай-чааһынай бииргэ үлэлээһин мэхэньиисиминэн социальнай эбикиэйтэри тутуу хаамыытын туһунан оройуон дьаһалталарын бэрэстэбиитэллэрэ уонна тутааччылар иһитиннэрдилэр. Үксүлэригэр тутар-монтажтыыр үлэлэр ыытыллаллара, судаарыстыбаннай эспэртиисэ түмүгүн кэтэһэллэрэ этилиннэ.
Министиэристибэлэргэ, биэдэмистибэлэргэ, өрөспүүбүлүкэ тутууга тэрилтэлэригэр, улуустар салалталарыгар Айсен Николаев эбийиэги үлэҕэ киллэрэргэ кыһалҕалар үлэни сүрүннээһин мөлтөҕүттэн үөскүүллэрин ыйда. Ураты болҕомтону үлэ хаамыытын хайаан да бигэргэтиллибит кыраапыгы кытта сөп түбэһиннэрэри хааччыйарга, үп-харчы уонна тэхиньиичэскэй боппуруостары кэмигэр быһаарарга уурда.
Мария Васильева (СИА) хаартыскалара
+1
+1
+1
+1
+1
+1
+1