Ил Дархан Юрий Трутнев Саха сиригэр сырыытын түмүгүнэн санаатын үллэһиннэ

Бөлөххө киир:

Бэҕэһээ, бэс ыйын 3 күнүгэр, РФ бырабыыталыстыбатын  бэрэссэдээтэлин солбуйааччы — РФ бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ   Юрий Петрович Трутнев өрөспүүбүлүкэҕэ туһуламмыт  хас да мунньаҕы ыытта.

Ил Дархан Айсен Николаев инстаграмыгар Саха сиригэр Урутаан сайдар территориялары сайыннарыы боппуруоһугар: «Саха сиригэр  «Якутия» уонна  «Южная Якутия» ТОР-дар үлэлииллэр.  Юрий Петрович сорудаҕынан салгыы бу хайысханы сайыннарыыга үлэлиэхпит», — диэн суруйда.

«Жилье и городская среда» национальнай бырайыагынан итиэннэ олорор дьиэни киллэрии туһунан:

Быйыл 550 тыһ. кв. м. олорор дьиэни киллэриэхтээхпит.  Уһук Илиҥҥэ араас чэпчэтиилэр киирэн турар кэмнэригэр хайаан да туруоруммут сорукпутун ситиһиэхпит, — диэн Айсен Сергеевич бэлиэтээтэ.

«РусГидро» хампаанньа дизельнэй генерацияны солбуйар ураты бырайыагы көрдөрдө. Манна дизельнэй уматыгы таһынан күн уонна тыал күүһэ туһаныллыа. Быйыл Муомаҕа уонна Дьааҥыга  6 итиэннэ 2024 сыл бүтүөр диэри 66  дизельнэй электростанция хоту улуустарга тутуллуоҕа. Онон уматыкка  30% диэри кэмчилээһин тахсыаҕа. Маны таһынан Юрий Петрович өрөспүүбүлүкэҕэ үлэлиир бырамыысыланнаска үлэлиир  хампаанньалар лиссиэнсийэлэрин бэрэбиэркэлииргэ сорудахтаата. РФ экологиияҕа миниистирэ Александр Александрович Козловы кытары ойуур баһаардарын тула кэпсэттибит. Итиэннэ. Александр Александрович шелкопряды кытары охсуһууга эбии 150 мөл.солк. көрүллүөхтээҕин туһунан иһитиннэрдэ», — диэн Ил Дархан инстаграмыгар суруйда.

edersaas.ru

+1
0
+1
0
+1
0
+1
0
+1
0
+1
0
+1
0