Бүгүн Ил Дархан Айсен Николаев Узбекистан Өрөспүүбүлүкэтин Владивосток куоракка генеральнай консулун Рустам Исмаиловы кытары көрсөн, инвестиционнай бырайыактар, атыы-эргиэн, култуура, тас дойдулары кытары сыһыан туһунан кэпсэттилэр. Рустам Исмаилов Дьокуускайга кэлэ сылдьар.
Ил Дархан көрсүһүү кэмигэр “Якутоптторг” тэрилтэ Узбекистан тыа хаһаайыстыбатынан дьарыктанар тэрилтэлэрин кытары оҕуруот аһын, фруктаны аҕалыыга хантараак түһэрсибитин туһунан бэлиэтээн эттэ. Билигин Саха сирэ уонна Узбекистан норуоттар икки ардыларынааҕы сыһыаҥҥа, экэниэмикэлэри сайыннарыыга, атыыга, инвестиционнай бырайыактарга, култуура эйгэтигэр дуогабар түһэрсээри сылдьар. Узбекистан бэрэстэбиитэллэрэ Саха сиригэр буолар араас тэрээһиҥҥэ, ол иһигэр наука, үөрэх, култуура, спорт эйгэлэригэр, көхтөөхтүк кытталлар.
Генеральнай консул Рустам Исмаилов Саха сирин дьонугар Өрөспүүбүлүкэ 100 сыллаах үбүлүөйүнэн эҕэрдэтин ыытта.
Аграфена КУЗЬМИНА