Бороҕоҥҥо Ил Дархан «Восток-1» диэн саҥа хочуолунай тутуутун бастакы сыбаайата түһүүтүн тэрээһинигэр кыттыаҕа. Бу тутуу «Фонд содействия реформированию ЖКХ» судаарыстыбаннай корпорация бырагырааматынан үлэҕэ киллэриллиэхтээх.
Былырыын ахсынньыга «РФ дьиэ-уот коммунальнай хаһаайыстыбатын уларытыыга көмөлөһөр пуонда» Судаарыстыбаннай корпорациятын бырабылыанньата Бороҕоҥҥо квартальнай хочуолунай тутуутугар үбүлээһиҥҥэ көмөлөһөргө сайаапканы ылыммыта. 18 МВт саҥа хочуолунай олорор дьиэлэри таһынан социальнай эбийиэктэри ититиинэн хааччыйыахтаах.
Маны таһынан өрөспүүбүлүкэ салайааччыта 450 миэстэлээх саҥа оскуола, 1000 миэстэлээх стадион, «Тойон Мүрү» култуурунай киин тутуутун хаамыытын бэрэбиэркэлиэҕэ.
СӨ Ил Дарханын уонна бырабыыталыстыбатын пресс-сулууспата