Бүгүн Ил Дархан Айсен Николаев Кэбээйи улууһугар үлэлиир.
edersaas.ru
Биһиги уопсастыбаннай кэрэспэдьиэммит Татьяна Максимова-Лазарева Ил Дархан оробуочай сырыытын туһунан бу курдук билиһиннэрдэ:
—— Кэбээйи сиригэр-уотугар үктэнээт, Бэс Күөлүн уонна Кэбээйини холбуур Түгэнэ үрэххэ муоста тутуутун үлэтин хаамыытын кытта билистэ.
Онтон Аксиния Левина салайар «Бараһыылап» бааһынай хаһаайыстыба үлэтин-хамнаһын, инники кэскиллээх былааннарын билсэ сырытта.
Салгыы Айсен Сергеевич Аҕа дойду Улуу сэриитигэр олохторун толук биэрбит дьоммут Өйдөбүнньүгэр сибэкки дьөрбөтүн уурда.
Кэбээйигэ быйыл устудьуоннар этэрээттэрэ үлэлээбитэ биир ый буолан эрэр. Ыччаттар Сынньалаҥ пааркатын сөргүтэ сылдьаллар.
Этэрээт чилиэнэ Игнат Протопопов бу миэстэҕэ ыччат Сынньанар пааркатын оҥорорго, спортивнай, оҕо оонньуур былаһааккалара тутуллалларын иһитиннэрдэ.
Ил Дархан былаһаакка бырайыагын көрөн-истэн баран, тустаах көмөнү оҥорорго бэлэмин биллэрдэ.
Елена ПОТОЦКАЯ, «Cаха сирэ» хаһыат, edersaas.ru
Хаартыска — Татьянам Максимова-Лазарева тиксэриитэ.