Ил Дархан уонна бырабыыталыстыба дьаһалтатын салайааччыта ананна

Бөлөххө киир:

Былырыын кулун тутарга Хоруупсуйаны уодьуганныыр уонна быраап уорганнарын кытары үлэлэһэр департамент салайааччытынан анаммыт Федор Борисов аны Ил Дархан уонна бырабыыталыстыба дьаһалтатын сүрүннүөҕэ. Бу туһунан Егор Борисов ыйааҕа таҕыста.

Санатан эттэххэ, өрөспүүбүлүкэ сүрүн дьаһалтатын салайан олорбут Юрий Куприянов бу нэдиэлэҕэ Москваҕа Саха сирин бастайааннай бэрэстэбиитэлинэн ананан кини дуоһунаһа аһаҕас хаалбыта.

Федор Борисов Хоруупсуйаны уодьуганныыр департамеҥҥа (бу департамент 2013 с. тэриллибитэ) кэлиэн иннинэ Хаҥалас, Чурапчы улуустарыгар, Дьокуускай куоракка следователинэн, прокурорунан, прокурору солбуйааччынан үлэлээбитэ. Бэйэтэ Мэҥэ Хаҥалас Балыктааҕыттан төрүттээх. 1992 с. Хабаровскайдааҕы байыаннай үрдүкү училищены, 1996 с. Кемеровскайдааҕы судаарыстыбаннай университеты бүтэрбитэ. Бастакы идэтэ – тутааччы-инженер, иккиһэ – юрист.

Быйыл бырабыыталыстыбаҕа уларыйыы баран, департамент үлэтэ кэҥээн управление буолбута. Салайааччынан туох да мөккүөрэ суох Федор Михайлович анаммыта.

+1
0
+1
0
+1
0
+1
0
+1
0
+1
0
+1
0