Ил Дархан Айсен Николаев Саха Өрөспүүбүлүкэтигэр 2019 сыл ыам ыйын 9 күнүттэн 2020 сыл ыам ыйын 9 күнүгэр диэри Улуу Кыайыы сылын биллэрдэ.
Бу уурааҕар кини Кыайыы 75 сылын көрсө, Аҕа дойду улуу сэриитин кыттыылаахтарын, тыыл бэтэрээннэрин дьоруойдуу хорсун быһыыларын, эр санааларын, бэриниилээх үлэлэрин ытыктаан, Ийэ дойду иһин тыыннарын толук уурбут буойуттар ааттарын үйэтитэр, патриотическай иитии оруолун үрдэтэр сыалтан, илии баттаата.
“Хорсун быһыыгыт көлүөнэлэр сүрэхтэригэр” диэн ааттаах Улуу Кыайыы сылын тэрээһиннэрин “Победа” өрөспүүбүлүкэтээҕи кэмитиэт, үлэ, социальнай сайдыы министиэристибэтэ сүрүннүөхтэрэ.
Онон, сотору кэминэн бары улуустар уонна куораттар дьаһалталара Кыайыы 75 сылын көрсө ыытыллыахтаах тэрээһиннэр былааннарын бигэргэтиэхтэрэ. Холобур, хас биирдии сэрии бэтэрээнигэр уонна огдооботугар чопчу тэрилтэлэр сыһыарыллан, тустаах көмөнү оҥоруохтаахтар.
Ангелина Васильева, “Саха сирэ” хаһыат, edersaas.ru