Бүгүн Айсен Николаев Ил Дархан дуоһунаһыгар 47 сааһын көрсөр.
- Кини 1972 сыл тохсунньу 22 күнүгэр Ленинград куоракка төрөөбүтэ. Үөһээ Бүлүүгэ учууталлар дьиэ кэргэттэригэр улааппыта. 16 сааһыгар аатырбыт Үөһээ Бүлүүтээҕи физика-математика хайысхалаах оскуоланы кыһыл көмүс мэтээллээх бүтэрбитэ.
- 1994 сыллаахха М.В. Ломоносов аатынан Москватааҕы судаарыстыбаннай университеты бүтэрбитэ. 1994 сыллаахха үлэтин “САПИ” Үп корпорациятыгар саҕалаабыта.
- 1995 сыллаахха “Алмаасэргиэнбаан” бырабылыанньатын бэрэссэдээтэлин солбуйааччынан анаммыта. Манна кини баан инники сайдыытын былааннааһын, Россия фондовай ырыынагар киириигэ экэниэмикэҕэ куттал суоһаабатын туһугар хайысхалары салайбыта.
- 1997 сыллаахха Айсен Николаев Ил Түмэн депутатынан Өлөөн биир мандааттаах уокуругуттан талыллар.
- 26 сааһыгар, 1998 сыллаахтан, “Алмаасэргиэнбааны” салайан барбыта.
- 2002 сыллаахха үһүс ыҥырыыга аны киин куорат Богатыревскайдааҕы быыбардыыр уокуругуттан депутатынан талыллыбыта.
- 2004 сыллаахха бөҕө тирэхтээх үлэлээх “Алмаасэргиэнбаан” салайааччыта Айсен Николаев Саха Өрөспүүбүлүкэтин үбүн миниистиринэн ананар.
- 2007 сыл олунньу 16 күнүгэр СӨ Бэрэсидьиэнин Ыйааҕынан Айсен Николаев СӨ Бэрэсидьиэнин уонна Бырабыыталыстыбатын дьаһалтатын салайааччытынан ананар.
- 2011 сыл ыам ыйыгар Айсен Сергеевич Николаев СӨ Бырабыыталыстыбатын Бэрэссэдээтэлин бастакы солбуйааччытынан ананар.
- 2012 сыл кулун тутар 4 күнүгэр Николаев Айсен Сергеевич Дьокуускай куорат баһылыгынан талыллар.
- 2018 сыл ыам ыйын 28 күнүгэр Российскай Федерация Президенин В.В.Путин Ыйааҕынан Николаев А.С. Саха Өрөспүүбүлүкэтин Ил Дарханын эбээһинэһин толорооччунан анаммыта.
- 2018 сыл балаҕан ыйын 9 күнүнээҕи Ил Дархан быыбарыгар эрэллээхтик кыайбыта.
Хаартыскаҕа Айсен Николаев ийэтэ Тамара Сергеевна Николаевалыын.
+1
+1
+1
+1
+1
+1
+1