Ил Дархан Судаарыстыбаннай Дума аграрнай боппуруостарга кэмитиэтин бэрэссэдээтэлин кытта көрүстэ
Бэҕэһээ муус устар 12 күнүгэр Ил Дархан Айсен Николаев Судаарыстыбаннай Дума аграрнай боппуруостарга кэмитиэтин бэрэссэдээтэлин Владимир Плотниковы кытта көрүстэ.
«Өрөспүүбүлүкэҕэ тыа хаһаайыстыбатыгар улахан болҕомто ууруллар. Эрэгийиэн бүддьүөтүттэн сыллата үгүөрү үп көрүллэр. Маны сэргэ, бааһынайдарга үгүс көмөнү оҥороҕут. Ол иһин Саха сиригэр тыа хаһаайыстыбатын бородууксуйата элбиир, оҕуруот аһын үүннэриигэ ситиһиигит элбэх», — диэн бэлиэтээтэ Владимир Плотников.
Быйыл 30 сылын туолар Бааһынайдар (фермердар) холбоһуктарын (Ассоциация) үлэтин уонна тыа хаһаайыстыбатын сайдыытын, дьүүллэстилэр, тыа сиригэр дьон-сэргэ олоҕо-дьаһаҕа хайдах тупсарын туһунан кэпсэттилэр.
Владимир Плотников этэринэн, Саха сирин Ассоциацията Арассыыйаҕа биэс тарбах иһигэр бастыҥнар кэккэлэригэр ааттанар.
Судаарыстыбаннай Дума аграрнай боппуруостарга кэмитиэтин бэрэссэдээтэлэ салгыы Тыа хаһаайыстыбатын министиэристибэтэ тэрийбит «Ас-үөл өттүнэн куттала суох буолуу» диэн темалаах семинарга кыттыыны ылбыта.
СӨ Ил Дарханын уонна Бырабыыталыстыбатын Пресс-сулууспата
Андрей Сорокин, СИА, хаартыската