Бэлиитикэ Доруобуйа Сүрүн

Ил Дархан суһал ыстаап мунньаҕын ыытта

СӨ Ил Дархана Айсен Николаев коронавирус тарҕаныытын бохсор өрөспүүбүлүкэтээҕи суһал ыстаап мунньаҕын ыытта.

edersaas.ru

Мунньахха балыыһаҕа киирэр дьон ахсаана кыралаан эбиллэн иһэрин, ол эрээри, эрэсиэрбэҕэ куойка элбэҕэ этиллибит. Күн бүгүн реанимацияҕа 88 ыарыһах сытарыттан, 15 киһини ИВЛ аппараакка холбообуттар.

“Билиҥҥитэ ыарыыны утары охсуһууга бахсыына уонна иккиһин быһыыны ылыы сабыдыаллыыр кыахтаах. Өскөтүн, өрөспүүбүлүкэҕэ бастакы быһыыны ылбыт дьон 80 бырыһыантан тахсыбыт эбит буоллаҕына, иккис быһыыны ылыы тэтимигэр хаалыы баар. Суһал ыстаап Олохтоох бэйэни салайыныы департаменын кытта тустаах боппуруостарга үлэһэллэригэр сорудах биэрдим”, — диэн Ил Дархан телеграмҥа суруйар.

Ону тэҥэ, үгүс улуустар билигин даҕаны сытар балыыһаҕа, куойка ахсаанын элбэтиигэ, ИВЛ аппарааты ылыыга тирэҕи ууралларын, бу миэрэлэр омикрону кытта буолбакка, өссө дельта штаммы кытта охсуһар кэмҥэ ылыллыбыт буолуохтаахтарын ыйар. “Саамай сүрүн звено – амбулаторияларга бастакы сүһүөххэ. Маны өрүү хонтуруолга тутар ирдэнэр”, — диэн ыйар. Итиэннэ Дьокуускайга ыарыы тарҕаныытын тохтоппут эбит буоллахтарына, сыыйа ыарыы улуустарга сыҕарыйан эрэрин иһитиннэрдэ. Эмискэ үрдээһин Өлүөхүмэ улууһугар биллибитин, ордук болҕомтону хотугу улуустарга уурар наадатын эттэ. Улуустар бары элбэх киһи ыалдьар усулуобуйатыгар бэлэм олороллоро наада диэн тоһоҕолоон бэлиэтиир.

 

“Саха сирэ” хаһыат, edersaas.ru

Хаартыска: СИА

1
0
Telegram @edersaas20