Маны аах Уопсастыба

Ил Дархан социальнай гаастааһын уонна тупсаҕай эйгэни тэрийии туһунан

Бүгүн, балаҕан ыйын 27 күнүгэр, өрөспүүбүлүкэбит Судаарыстыбаннаһын күнүгэр киэһэ 19. 00 чаастан СӨ Ил Дархана Айсен Николаев быһа биэриигэ тахсан дьон-сэргэ ыйытыытыгар хоруйдаата. Быһа биэрии “Cаха» НКИХ, “Якутия 24”, «Россия 24», «Тэтим» араадьыйа, «Арассыйа араадьыйата» биэриилэригэр кэллэ.

Дьон-сэргэ Ил Дархантан ордук куораты тупсарыы, босхо гаастааһыҥҥа үлэни, доруобуйа харыстабылын таарыйар ыйытыылары ордук биэрдилэр.

—Босхо гаастааһыҥҥа үлэ бара турар дуо уонна ити үлэ хаһыс сылга диэри ыытылларый?

—Биһиэхэ өрөспүүбүлүкэбитигэр эрэгийиэннээҕи оператор — «Сахатранснефтегаз» АУо. «Сахатранснефтегаз» саайтыгар киирдэххитинэ, социальнай гаастааһын туһунан баар. Онно киирэн сайаапка хаалларыаххытын сөп. Саха сиригэр бу бырагыраамаҕа 4 600 кэриҥэ  дьиэ хаһаайыстыбалара хапсаллар. Онно 12000 кэриҥэ киһи олорор. Буолан баран, бу дьиэлэр өрөспүүбүлүкэбит араас улуустарыгар бааллар. Элбэх дьиэ Ленскэйгэ, Дьокуускайга бааллара бэлиэтэнэр. Атын да оройуоннарга балачча элбэхтэр. Үлэ саҕаламмыта. Сыыспат буоллахпына, Дьокуускайга 18 дьиэҕэ  социальнай гаастааһын быраграаматынан. Билигин испииһэк суруллар, былаан оҥоһуллар. Былааннаммыт эрэсииминэн үлэ салҕанар.

—Тупсаҕай эйгэни тэрийии бары нэһилиэнньэлээх пууннарга, куораттарга, тыа сирдэригэр олус наадалаах буолла. Тоҕо диэтэххэ дьон-сэргэ олоҕо тупсар. Онон көрүү кэҥээтэ, ирдэбил да оннук буолла. Уопсайынан, ыйытык ыытылыннаҕына, Саха сиригэр эрэ буолбакка, Арассыыйаҕа эмиэ, дьон ордук түргэн тэтимнээх интэриниэккэ,  киһи олоҕор табыгастаах эйгэҕэ наадыйаллара көстөр. Куорат эйгэтигэр  туспа архитектурнай бюрону тэрийии туһунан быһаарыы ылыллыбыта үөрдэр. Улуустарга тиийдэхпинэ  ыччаты кытары үөрэ-көтө сэһэргэһэбин. Нэһилиэктэрэ, улуустара сайдан иһэриттэн үөрэллэр.

0
0