Сэтинньи 6 күнүгэр социальнай ситимнэринэн Ил Дархан Айсен Николаевка, Таатта улууһун мэдиссиинискэй үлэһититтэн ИВЛ аппараатыгар туһаныллар баллоннаах мэдиссиинискэй кислород тиийбэтин туһунан иһитиннэрии киирбитэ.
Бүгүн, сэтинньи 7 күнүгэр, Ил Дархан сорудаҕынан СӨ доруобуйа харыстабылын миниистирин бастакы солбуйааччыта Алексей Яковлев Таатта улууһугар мэдиссиинискэй көмөнү оҥорууга бэрэбиэркэ ыыта барда. Маны таһынан кини улууска кислородтаах баллоннары уонна да атын мэдиссиинискэй табаардары илдьиэҕэ.
Бэрэбиэркэ түмүгүнэн, улууска мэдиссиинискэй баллон баара билиннэ. Ол гынан баран, саппаас баллон бүтэн эрэрэ быһаарылынна. Суол хаайыыта үөскээн, Дьокуускайтан Тааттаҕа баллоннары кэлэр нэдиэлэҕэ илдьиэхтээх эбиттэр.
Билигин улууска 60 инфекционнай куойка, 15 провизорнай куойка, үс реанимационнай куойка, үс ИВЛ аппараата уонна 12 кислороднай концентрат баар.
СӨ Бырабыыталыстыбатын уонна Ил Дарханын пресс-сулууспата
+1
+1
+1
+1
+1
+1
+1