Ил Дархан сорудаҕынан бары нэһилиэктэргэ эмп баарын дуу, суоҕун дуу бэрэбиэркэлээбиттэр
06.11.2020
Ил Дархан дьаһалынан “Биир ньыгыл Арассыыйа” баартыйа бары нэһилиэнньэлээх пуун, бары аптекаларыгар эмп баарын дуу, суоҕун дуу итиэннэ төһө сыаналааҕын бэрэбиэркэлээбит. Росздравнадзорга эмпкэ сыана үрдээһининэн эмиэ сорудах биэрбит.
edersaas.ru
Үгүс аптекаларга ирдэнэр эмп прилавокка буолбакка ыскалаакка сытар эбэтэр букатын даҕаны суох. Дьокуускай куоракка эми тиэрдээччилэргэ эмптэрэ номнуо баар диэн быһа сибээс кэмигэр иһитиннэрдэ.
“Балыыһаларга икки нэдиэлэттэн икки ыйга диэри тиийэр эмп саппааһа баар. Биллэн турар, сорох мэдиссиинэ тэрилтэлэригэр эмп суох буолан хаалар эрээри, бу олох кылгас кэмҥэ буолан ылар, күн устата тиэрдиллэр. Ирдэнэр эмп суох түгэнигэр солбуһуга баар”, — диэн Ил Дархан эттэ.
Доруобуйа харыстабылын сүрүн соруга – дьону хаачыстыбалаахтык эмтээһин диэн бэлиэтээтэ.
Людмила ПОПОВА, “Саха сирэ” хаһыат, edersaas.ru
Хаартыска: iStock
+1
+1
+1
+1
+1
+1
+1