Ил Дархан: «Сомоҕолоһон, биир санаалаах буолан,  дойдубут айылҕатын көмүскээн, кыайыылаах тахсыахпыт»

Бөлөххө киир:

Бүгүн киэһэ Ил Дархан Айсен Николаев тэлэбиидэнньэнэн нэһилиэнньэҕэ анал этиилээх таҕыста.

Номнуо үс ыйтан ордук ойуур баһаардарын утары охсуһабыт. Арҕаа уонна киин улуустарга кэтэһиилээх ардахтар түстүлэр. Бу манна зондировщик-сөмөлүөт эмиэ улахан көмө буолла. Уоту утары охсуһууга биһиэхэ хара маҥнайгыттан федеральнай былаастартан күүс-көмө оҥоһуллар. Бүгүн өрөспүүбүлүкэҕэ  Рослесхоз, ЫБММ уонна   Оборона министиэристибэтин авиацията, байыаннай тиэхиньикэтэ  үлэлиир. Биһиэхэ Арассыыйа президенэ Владимир Путин улахан көмөнү оҥорор. Мин Владимир Владимировичка күннэтэ ойуур баһаардарынан  балаһыанньаны дакылааттыыбын. Онон судаарыстыба баһылыгын көмөтүнэн суһаллык тыын суолталаах боппуруостар быһаарыллаллар.  Ол курдук биһиги көрдөһүүбүтүнэн Дьокуускай аэропуордун көтөр-түһэр балаһатын өрөмүөнэ түргэтээтэ. Бу күннэргэ аэропуорт Бе-200 сөмөлүөтү көрсөр кыахтанна.

Билигин, бастатан туран, ойуур хаһаайыстыбатын үлэһиттэрин ахсааннарын, тиэхиньикэнэн хааччыллыыны элбэтиигэ үлэ ыытыахтаахпыт. Өссө биир тыын боппуруоһунан — умайбыт ойууру чөлүгэр түһэрии боппуруоһа буолар. Бу уонна да атын боппуруостарынан СӨ бырабыыталыстыбата үлэлиэҕэ,- диэн эттэ.

Маны таһынан Айсен Сергеевич уоту утары охсуһа сылдьар дьоҥҥо махталын биллэрдэ. Бэс Күөлүгэр ойуур баһаарыттан эмсэҕэлээбит дьон алтынньы 15 күнүгэр диэри саҥа дьиэҕэ көһөн киириэхтээхтэрин туһунан эттэ.

«Күндү биир дойдулаахтарым! Сомоҕолоһон, биир санаалаах буолан,  дойдубут айылҕатын көмүскээн, кыайыылаах тахсыахпыт!» — диэн түмүктээтэ.

edersaas.ru

+1
0
+1
0
+1
0
+1
0
+1
0
+1
0
+1
0