Ил Дархан снюһу уонна насвайы атыылыыры боборго сорудахтаата. Ити туһунан Айсен Николаев тус инстаграмыгар суруйар.
“Саха сирэ” хаһыат, edersaas.ru
“Кэлиҥҥи кэмҥэ социальнай ситимнэринэн миэхэ долгуйбут төрөппүттэр, ыччат, улаатан эрэр оҕолор снюһу туһанар буоллулар диэн суруйаллар. Быраастар быһааралларынан, бу никотиннаах булкаас киһи доруобуйатыгар буортулаах. Маннык табаҕы туһанан Арассыыйаҕа хас даҕаны өлүү тахсыбыта биллэр”, — диэн суруйар.
Саха сиригэр итинник түгэн тахсыбатын туһугар, уталытыыта суох миэрэ ылар ирдэнэрин этэр. Ол курдук, СӨ Бырабыыталыстыбатыгар ахсынньы 30 күнүгэр диэри никотиннаах араас эмэр, ыстыыр симиэстэри атыылыыры бобор сокуон бырайыагын оҥорорго сорудахтаата.
Ис дьыала министиэристибэтигэр ахсынньы 30 күнүгэр диэр снюс атыытын бэрэбиэркэлииргэ эттэ.
Предпринимательство, атыы уонна туризм министиэристибэтигэр ахсынньы 25 күнүгэр диэри урбаанньыттары кытта быһаарар үлэни ыытарга сорудахтаата.
Төрөппүттэр бырааһынньык, үөрэх тэрилтэлэригэр каникул иннинэ сөптөөх дьаһал диэн биһирииллэрин биллэрэллэр.
“Саха сирэ” хаһыат, edersaas.ru