Ил Дархан Сииттэҕэ ойуур баһаарын умуруорууга суһал мунньаҕы ыытыаҕа

Бүгүн Ил Дархан Айсен Николаев  Кэбээйи улууһун Сииттэтигэр  ойуур баһаарын умуруоруу үлэтин хонтуруоллуоҕа. Баһаары умуруора сылдьар  ойуур хаһаайыстыбатын исписэлиистэрин, нэһилиэнньэни кытта көрсөн, миэстэтигэр  Кэбээйи улууһугар  тустаах боппуруоска  суһал мунньаҕы ыытыа, ол түмүгүнэн, сөптөөх миэрэлэр ылыллыахтара.

Бүгүҥҥү туругунан, Кэбээйи улууһугар аҕыс баһаар күөх дуолу мэҥиэстэр. Барыта 235 киһи, 33 анал тиэхиньикэ үлэлиир. Кэбээйигэ ыксаллаах быһыы-майгы үөскээри гынан  өрөспүүбүлүкэтээҕи суһал ыстаап Сииттэҕа авиалесоохрана  исписэлиистэрин көмөҕө ыыппыта.

edersaas.ru