Убаастабыллаах шахтердар, горняктар!
СӨ салалтатын уонна бэйэм ааппыттан эһигини идэтийбит бырааһынньыккытынан – Шахтер күнүнэн эҕэрдэлиибин!
Таас чоҕу хостуур промышленность өрөспүүбүлүкэ экономикатын сүрүн суолталаах салаатынан буолар. Ньиэби уонна алмааһы хостооһун кэнниттэн үһүс миэстэҕэ сылдьар уонна бүддьүөт дохуоттаах чааһыгар сүрүн оруолу ылар. Уһук Илин эрэгийиэннэригэр Саха сирэ чоҕу хостооһуҥҥа инники күөҥҥэ сылдьар.
Өрөспүүбүлүкэҕэ чох промышленноһын сайыннарыы кыаҕа сүҥкэн улахан. Ону олоххо киллэриигэ биһиги тулалыыр эйгэни харыстаан туран, таас чохтоох саҥа сирдэри үлэҕэ киллэриэхтээхпит, чоҕу хостооһуну улаатыннарыахтаахпыт.
Салаа сайдыытыгар бастатан туран, тыһыынчанан шахтердар, горняктар уонна да атын үлэһиттэр дьоруойдуу үлэһиттэриттэн быһаччы тутулуктаах. Бүгүн, шахтердар идэтийбит бырааһынньыктарыгар, биһиги чох промышленноһын салаатын сайдыытыгар үлэлээбит дьону саныыбыт уонна бүгүн таһаарыылаахтык үлэлии сылдьар дьоҥҥо махтанабыт. Үгүс күүстэрин-кыахтарын ууран туран, нэһилиэнньэлээх пууннар тохтоло суох сылааһынан хааччыллыыларын туһугар үлэлииллэр.
Эһиэхэ кытаанах доруобуйаны, этэҥҥэ буолууну, ситиһиилэри баҕарабын.
СӨ Ил Дархана Айсен Николаев