Ил Дархан «Саҥа кэм күүстээх санаалара» форум түмүктэрин таһаарыыга кытынна

13.11.2020
Бөлөххө киир:

СӨ Ил Дархана Айсен Николаев «Саҥа кэм күүстээх санаалара» форум эрэгийиэннээҕи түһүмэҕин түмүктэрин таһаарыыга кытынна.

Форум биир сүрүн секцията эрэгийиэн уопсастыбаннай холбоһуктарыттан уонна көхтөөх гражданнартан киирбит идеяларын тула кэпсэтии, дьүүллэһии буолла. Секцияҕа эрэгийиэн баһылыктара кыттыыны ыллылар. Ол иһигэр СӨ Ил Дархана Айсен Николаев, Рязанскай уобалас губернатора Николай Любимов, Мурманскай уобалас губернатора Андрей Чибис,    Новгородскай уобалас губернатора Андрей Никитин кытыннылар.
Саха сирэ идеялары хомуйууга күүскэ үлэлэспитэ. Этиилэри киллэриигэ дойду 85 эрэгийиэниттэн биһиги өрөспүүбүлүкэбит 24 миэстэҕэ тахсыбыта.

Айсен Николаев форум кыттыылаахтарыгар уонна ыалдьыттарыгар өрөспүүбүлүкэ бырайыактарын билиһиннэрдэ.

«Харысхал» аһымал фондатын «Цветик-Семицветик» бырайыагын өйүүр соруктаах. Маны таһынан Саха сирэ «Киноплатформа. Доступное кино в селах» бырайыагы форумҥа билиһиннэрдэ.

Форум түмүгэр Айсен Николаев  АСИ өттүттэн туһааннаах бырайыактары өйөөһүн улахан кыаҕы биэриэҕэ диэн эттэ.

СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0