Москваҕа «Саҥа кэм күүстээх санаалара» форум үлэлии турар. Манна СӨ Ил Дархана Айсен Николаев эмиэ кытта сылдьар.
edersaas.ru
Форум түөрт бөлөҕүн чэрчитинэн, араас социальнай эйгэ идэлээхтэрин кытары Ил Дархан кэпсэтиигэ кыттыаҕа. Манна эрэгийиэннэр сайдыыларыгар сыһыаннаах бастыҥ идиэйэлэри ырытыахтара.
Холобур, бэҕэһээ «Сайдыыга итэҕэл: үйэ ыҥырыыта» бөлөххө уопсастыба итэҕэлэ экэниэмикэ сайдыытыгар улахан оруоллааҕын туһунан кэпсэттилэр.
Айсен Николаев уопсастыба итэҕэлин быспыта Арассыыйаҕа эрэ буолбакка, аан дойду үрдүнэн тарҕанан эрэр көстүү диэн эттэ:
—Бу итэҕэл кириисиһэ, сыаннастар уларыйар кэмнэрэ. Туох эрэ сырдыкка итэҕэлбитин була иликпитинэ, уларыйыы, ситиһии кэлиэ суоҕа. Бүгүҥҥү күҥҥэ, РФ Бэрэсидьиэнэ Владимир Путин итэҕэлин рейтинэ 70% тиийдэ. Тоҕо диэтэр, дойду кыаммат дьоҥҥо көмөлөһөр, аармыйабыт харыстыыр, олигархтары миэстэлэригэр туруорар диэн өйдөбүлү дьон санаатыгар угар.
«Саҥа кэм күүстээх санаалара» форум Стратегическай инициатива агенствотынан уонна Росконгресс көмөлөрүнэн тэрилиннэ. Форум дойду олохтоохторун, сайалааччыларын, эспиэрдэрин мунньар сыаллаах. Тэрээһин түмүгүнэн араас бырайыактар, идиэйэлэр мунньуллан, дойдуну саҥа экэнэмиичэскэй таһымҥа таһаарыахтаахтар.
Тэрийээччилэр этэллэринэн, уопсайа уон биэс тыһыынча саҥа санаа, бырайыак кыттыыны ылла. Саха сирэ сүүс сүрбэ бырайыагы сэттэ салаанан көрдөрөн, 85 дойду эригийиэниттэн 24-с миэстэ буолла. Оттон Уһук Илиҥҥэ иккис миэстэ.
Форум үлэтин салҕанар.
СӨ Ил Дархан уонна Бырабыыталыстыба пресс-сулууспата