СӨ Ил Дархана Айсен Николаев социальнай ситимнэринэн быһа сибээскэ тахсан нэһилиэнньэ ыйытыытыгар хоруйдаата, Саҥа дьыллааҕы тэрээһиннэр туһунан иһитиннэрдэ.
Быһа сибээс кэмигэр Саҥа дьыллааҕы тэрээһиннэр туһунан ыйытыы киирдэ. Ил Дархан: “Ыйаахха олоҕуран, судаарыстыбаннай былаас, олохтоох бэйэни салайыныы уорганнара Саҥа дьыллааҕы тэрээһин былаанын ыыппаттарыгар этиллэр. Тэрээһиннэри онлайн көрүҥүнэн эрэ ыытарга. Ол эрээри, ирдэбили тутуһан 15 киһиттэн элбэҕэ суох киэһэ 23 чааска диэри буолуон сөп. Ахсынньы 10 күнүттэн бырааһынньыкка бэлэмнэнии, маҕаһыынынан сылдьыы сүпсүлгэнэ саҕаланар. Маҕаһыыннар үлэлиир бириэмэлэрин 12 чааска диэри уһаталларыгар сүбэлиибит. Холобура, сарсыарда 8 чаастан киэһэ 20 чааска диэри. Итинтэн уһатар буоллахтарына өссө үчүгэй. Элбэх дьон мустубатын курдук усулуобуйа тэрийиэхтээхпит”, — диэн быһаарда.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1