Бүгүҥҥү күҥҥэ халаан уутун ааһыыта уонна ойуур баһаарыгар бэлэмнээх буолуу тирээн турар кыһалҕаларынан буолалларын туһунан Ил Дархан Айсен Николаев миниистирдэри уонна Ил Дархан, Бырабыыталыстыба дьаһалтатын кытта мунньахха эттэ.
Айсен Николаев кыра үрэхтэр муустара ааһыытын кэтэбилгэ ылан, олохтоох былаастары кытта бииргэ араас суһал түгэннэргэ бэлэм буолууну хонтуруоллуурга сорудахтаата. Уоту утары охсуһууга бэлэм буолар туһугар хараардыы балаһаларын өссө биирдэ бэрэбиэркэлиир уонна нэһилиэнньэ өрт уотун ыыппатын туһугар үлэни ыытар булгуччулааҕын тоһоҕолоон эттэ. Ураты болҕомтону Амма уонна Уус Майа улуустарыгар уонна Саха сирин соҕуруу сирдэригэр уурарга сорудахтаата.
Ону таһынан Ил Дархан саҥа федеральнай быһаарыылары олоххо киллэрии улахан суолталааҕын туһунан санатан эттэ. Байыаннай эпэрээссийэҕэ кыттар байыаннайдар дьиэ кэргэттэригэр көмө оҥоруу туһунан Владимир Путин быһаарыытын миэстэтигэр толоруу хонтуруолланыахтаах. Ол курдук, үөрэххэ киириигэ чэпчэтиилэр туһунан быһаарыыны үөрэх кыһалара тутуһуохтаахтар.
Санкция усулуобуйатыгар экэниэмикэни уонна нэһилиэнньэни өйөөһүн миэрэлэрэ салҕанан бара тураллар. Арассыыйа Бырабыыталыстыбата хантараак сыанатыттан 80%-ҥа диэри капитальнай өрөмүөнү хааччыйар тэрилтэлэргэ судаарыстыбыннай абаансалааһын боруогун улаатыннарбыт. IT-исписэлиистэргэ чэпчэтиилээх ипотека 5% диэри буоларын бырабыыталыстыба сөбүлэҥин биэрбит.
«Бу быһаарыылары, күүтүллэр кыһалҕалары барытын сөптөөх быһаарыныы ылан толоруох тустаахпыт» диэн Айсен Николаев түмүктээн эттэ.