Ил Дархан «РусГидро» генеральнай дириэктэрин кытары көрүстэ
СӨ Ил Дархана Айсен Николаев бу күннэргэ Москваҕа үлэлиир. Бүгүн Айсен Сергеевич «РусГидро» ПАУо бырабылыанньатын бэрэссэдээтэлэ – генеральнай дириэктэр Николай Шульгиновы кытары көрүстэ.
edersaas.ru
Ил Дархан инстаграмҥа тус страницатыгар: «Көрсүһүү кэмигэр эргэрбит уот ситимнэрин суох оҥоруу боппуруостарын, улахан дизельнэй электростанциялары тутуу, поселениеларга ититиинэн хааччыллыыны саҥардыы тула кэпсэттибит. Маны таһынан инновационнай технологиялар боппуруостарын туһунан кэпсэтии таҕыста. Холобур, билигин Булуҥ улууһун Тиксии бөһүөлэгэр тыал күүһүнэн үлэлиир установканы туруоруу бырайыага түмүктэнэн эрэр. Бу бырайыакка «РусГидро», «СахаЭнерго» уонна японецтар үлэлээтилэр. Бу ураты бырайыак. Маннык бырайыак биһиги дойдубутугар суох. Онон алтынньыга кэтэһиилээх эбийиэк силигэ ситэн, үлэҕэ киириэҕэ диэн эрэллээхпит. Бырайыак этэҥҥэ үлэлээтэҕинэ, өрөспүүбүлүкэ атын нэһилиэнньэлээх пууннарыгар эмиэ олоххо киллэриэхпит»,- диэн суруйда.
edersaas.ru