Ил Дархан Айсен Николаев «Русатом Оверсиз» АУо бэрэсидьиэнэ Евгений Пакермановы кытта көрсөн, Усуйаана улууһугар кыра кыамталаах атомнай ыстаансыйаны тутуу бырайыагын дьүүллэстэ.
Саха Өрөспүүбүлүкэтэ Арктическай зона РУ РИТМ-200 баазатыгар атомнай ыстаансыйаны тутуу бырайыагар РФ Илини сайыннарыыга министиэристибэтин кытта уонна «Росатом» Госкорпорациятын кытта 2021 сыл балаҕан ыйын 3 күнүгэр анал сөбүлэҥ түһэрсибитэ.
Евгений Пакерманов бэлиэтииринэн, үлэ хаамыыта былааннаммытын курдук баран иһэр. Ол курдук, инженернэй бырайыактыыр үлэ чэрчитинэн эбии чинчийии үлэтэ ыытыллар. РИТМ-200Н реактор тиэхиньиичэскэй бырайыага оҥоһулунна. Судаарыстыбаннай экологическай эспэртиисэ ыстаансыйаны туруорарга көҥүллээтэ.
Айсен Николаев ыстаансыйаны тутуу “Күчүс” сир баайын хостооһуҥҥа эрэ улахан көдьүүстээх буолбакка, Усуйаана оройуона социальнай-экэнэмиичэскэй кэлим сайдыытыгар өйөбүл буолара саарбаҕа суо5ун эттэ. Арассыыйаҕа бөдөҥ бырайыак эрэллээҕин ааһан, айылҕа харыстабылыгар улахан өйөбүлүнэн буолуоҕа. Эбийиэк 2028 сылга олоххо киириэҕэ.
Елена ПОТОЦКАЯ, “Саха сирэ” хаһыат.