Ил Дархан Россия бэчээтин күнүнэн эҕэрдэлээтэ
· - Олох-дьаһах

Ил Дархан Россия бэчээтин күнүнэн эҕэрдэлээтэ

Ытыктабыллаах бэчээт уонна сонуну киэҥник тарҕатар сириэстибэлэр  үлэһиттэрэ, бэчээт эйгэтин бэтэрээннэрэ!

Саха Өрөспүүбүлүкэтин салалтатын уонна тус бэйэм ааппыттан эһигини Россия бэчээтин күнүнэн эҕэрдэлиибин!

Биһиги дойдубутугар бу бырааһынньык 30 сыл анараа өттүгэр олохтоммута. 1703 сыл тохсунньу 13 күнүгэр Бүөтүр Пиэрибэй ыйааҕынан Россия «Ведомости» бастакы хаһыата күн сирин көрбүтэ.

2021 сылга биһиги бэчээт дьыалата олохтоноругар уонна литературнай тыл чөл хааларыгар бигэ тирэх буолбут сахалыы бастакы дьиҥ таһымнаах таһаарыы 100 сылын уонна Саха сирин бастакы типографиятын 160 сылын бэлиэтиибит. Итини тэҥэ хотугу кыраайбытыгар суруналыыстыка уонна бэчээт дьыалатыгар үтүө үгэс утумун олохтообуттарга ытыктабылбытын биллэрэбит.

Хаһан баҕарар бэчээт уонна сонуну киэҥник тарҕатар сириэстибэлэр  үлэһиттэрэ айымньылаах үлэ, үтүө дьыала туһугар гражданскай уопсастыбаны сомоҕолуур күүс буолаллар. Бүгүҥҥү күҥҥэ Саха сиригэр 226 сонуну киэҥник тарҕатар сириэстибэ үлэлиир. Ол бэчээт көҥүлэ уонна аһаҕас сырдатар үлэ былаас, уопсастыба уонна бизнес бииргэ ыытар үлэлэрин тирэҕинэн буолалларын туоһулуур.

Идэтийбит, барыга бары көхтөөх уонна сыыдам сырыылаах тыл маастардара аныгы кэм ирдэбилинэн медиаэйгэҕэ таһаарыылаахтык үлэлииллэр, өрөспүүбүлүкэ олохтоохторун сэҥээриитин ылаллар. Суруналыыс кырдьыктаах иһитиннэрии иһин нэһилиэнньэ иннигэр эппиэтинэһэ, иһитиннэриини суһаллык тиэрдиитэ дьон-сэргэ олоҕун тыын суолталаах боппуруостарын быһаарыыга төһүү буолар. Бу ордук хамсык уустук кэмигэр ырылхайдык көһүннэ. Сонуну киэҥник тарҕатар сириэстибэлэргэ сырдатыллар билиҥҥи кэм дьоруойдарын хорсун быһыылара биһигини сомоҕолуур, бары ыарахаттары туоруурбутугар эрэли үөскэтэр.

Бу үөрүүлээх күҥҥэ бэчээт эйгэтин үлэһиттэригэр барыгытыгар уопсастыбаҕа сырдатар үлэни тэрийиигэ дьоһун кылааккыт иһин махтанабын. Өрөспүүбүлүкэ социальнай-экэнэмиичэскэй сайдыытыгар көмөҕүт иһин бэчээт эйгэтин бэтэрээннэригэр дириҥ махталбын тиэрдэбин.

Күндү доҕоттор! Саҕалаабыккыт үтүө түмүктээх буоллун, айымньылаах үлэҕит кэрэхсэнэ турдун! Эһиэхэ уонна чугас дьоҥҥутугар чэгиэн туругу, дьолу-соргуну уонна этэҥҥэ буолууну баҕарабын!

 

Саха Өрөспүүбүлүкэтин Ил Дархана                                  Айсен Николаев

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

5 × один =