Бу күннэргэ Ил Дархан Айсен Николаев Москваҕа үлэлиир. Бэҕэһээ РФ наукаҕа уонна үрдүк үөрэххэ миниистирэ Валерий Фальковы кытары көрүстэ.
Көрсүһүү кэмигэр науканы уонна үрдүк үөрэҕи өрөспүүбүлүкэҕэ сайыннарыы уонна федеральнай уорганнары кытары бииргэ үлэлээһин тула кэпсэтии таҕыста. Итиэннэ өрөспүүбүлүкэ үрдүк үөрэҕин кыһаларын инфраструктуранан хааччыйыы, «Север» НОЦ гран куонкуруһугар кыттыытын боппуруостара көтөҕүлүннэ.
Эрэгийиэн салайааччыта миниистиргэ научнай чинчийиилэри ыытыы иккис түһүмэҕин туһунан кэпсээтэ.
Онтон миниистир өрөспүүбүлүкэ үрдүк үөрэҕин кыһаларын инфраструктуранан хааччыйыы боппуруоһугар тохтоото. Чуолаан ХИФУ Мэдиссиинискэй институтун саҥа үөрэнэр-лабораторнай куорпуһун тутууга.
СӨ Ил Дарханын уонна Бырабыыталыстыбатын пресс-сулууспата
+1
+1
+1
+1
+1
+1
+1