Ил Дархан өрөспүүбүлүкэ таһыттан кэлээччилэргэ хонтуруолу күүһүрдэргэ сорудахтаата
Өрөспүүбүлүкэтээҕи суһал ыстаап уочараттаах мунньаҕар эрэгийиэҥҥэ COVID-19 ыарыы туругун туһунан кэпсэттилэр.
Ил Дархан Айсен Николаев хааччахтыыр уонна ыарыыны сэрэтэр миэрэлэр көдьүүстээхтэрин туһунан эттэ. Ол гынан баран, ыарыы төһө да намтаабытын үрдүнэн, ыараханнык ыалдьааччы уонна коронавирустан өлүү ахсаана элбэх.
Айсен Николаев коронавируһу утары быһыыны биэрии тэтимин ыһыктыбат туһунан сорудахтаата.
Бу нэдиэлэ бүтүүтэ Дьокуускай баһылыгын быыбара итиэннэ эдэр ыччат киэҥ далааһыннаах бэстибээлэ ыытыллаары тураллар. Бу тэрээһиннэргэ элбэх киһи мустара күүтүллэр. Онон эппиэттээх биэдэмистибэлэр санитарнай ирдэбиллэри тутуһууга үлэни күүһүрдэллэригрэ Ил Дархан бэлиэтээн эттэ.
Маны таһынан Айсен Николаев өрөспүүбүлүкэ таһыттан кэлэр дьоҥҥо улахан болҕомтону уурарга сорудахтаата. Бу Саха сирин олохтоохторугар уонна баахтанан үлэлии кэлээччилэргэ сыһыаннаах.
СӨ Ил Дарханын уонна бырабыыталыстыбатын пресс-сулууспата
Хаартыска: http://sakha.gov.ru