Ил Дархан өрөспүүбүлүкэҕэ хамсык туругун билиһиннэрдэ...
Олох-дьаһах

Ил Дархан өрөспүүбүлүкэҕэ хамсык туругун билиһиннэрдэ

Ил Дархан Айсен Николаев хамсык туругун туһунан билиһиннэрэригэр аан дойдуга, Арассыыйаҕа, өрөспүүбүлүкэҕэ улахан охсууну оҥорбутун, олохпут укулаата уларыйбытын  ыйда.

edersaas.ru

Ыарыы кэхтиэх курдук буолан иһэн, эмиэ эбиллэн барар. Өрөспүүбүлүкэҕэ сууккаҕа 30-ча киһи ыалдьыбыта бэлиэтэнэ сылдьыбыта эрээри, билигин, хомойуох иһин, күһүҥҥү ОРВИ ыарыы үксээһининэн, хамсык дьаҥа эбиллэн эрэр. Өскөтүн, эрдэ ыалдьыбыт дьон 80 бырыһыана Дьокуускай куорат, 20 бырыһыана улуус олохтоохторо эбит буоллаҕына, билигин аҥаар аҥаарга тэҥнэһэр (50 бырыһыана Дьокуускай, 50 бырыһыана улуустар).

Куоракка балаһыанньа букатын кыралаан да буоллар тупсар, улуустарга өрө тахсар. Ол эрээри, үгүс оройуоннарга балаһыанньа оннун булла. Холобура, ааспыт сууккаҕа 68 киһи ыалдьыбытыттан 35-һэ дьокуускайдар, онтон атына улуустар”, — диэн иһитиннэрдэ.

Ону тэҥэ, Ил Дархан кэлин ыарыы тутула уларыйбытын ыйар. Өскөтүн, эрдэ эдэр, орто саастаах дьон, сибикитэ суох ыалдьар буоллаҕына, билигин аҕас саастаахтар ортолоругар бэлиэтэнэрин итиэннэ балачча элбэх киһи уустук көрүҥүнэн ыалдьарын эттэ. Ол курдук,  күн бүгүн 44 киһи ыарахан туруктааҕын иһитиннэрдэ. Итинтэн 10 ыарыһаҕы ИВЛ аппараакка холбообуттар. Күҥҥэ биир-икки киһини ыарыы илдьэ барара бэлиэтэнэр эбит. Онон өрөспүүбүлүкэ олохтоохторо сэрэхтээх буолаллара ирдэнэрин, уопсастыбаннай сиргэ, тырааныспарка маасканы кэтэр, илиини сууна сылдьар наадатын тоҕоһолоон этэр. Ол эрээри, балаһыанньа тыҥааһыннаах буолбатаҕын, ортоһуорун чопчулаата.

 

Людмила ПОПОВА, “Саха сирэ” хаһыат, edersaas.ru

0
1

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

14 + 13 =