Сыстыганнаах дьаҥ өрө турбут кэмигэр Ил Дархан Айсен Николаев дьонун-сэргэтин кытта социальнай ситимнэринэн тахсан, тирээн турар боппуруостары ырытар, дьону долгутар ыйытыыларга үгүстүк хоруйдуур.
edersaas.ru
Социальнай ситимнэргэ өрүү тахсарын таһынан, өрөспүүбүлүкэ Аҕа баһылыга дьонун-сэргэтин кытта алтыһар сонунтан сонун сибээс көрүҥүн олоххо киллэрэр. Ол курдук, Айсен Николаев олунньуттан саҕалаан, «Простыми словами» диэн подкаст (аудиобиэрии) курдук сонун биэрии көрүҥүн ыытар. Бу 4-5 мүнүүтэлээх этиитигэр кини социальнай ситимнэринэн «быһа эпиирдэргэ» тахсар кэмигэр, инстаграмыгар дьон үгүстүк биэрэр ыйытыыларын мунньан анаан хоруйдуур. Манна Айсен Сергеевич араас тиэмэлэргэ быһаарыы биэрэр, санаатын этэр.
Бүгүн киэһэ 20.00 ч. Ил Дархан Айсен Николаев социальнай эпиирдэринэн дьонун-сэргэнин кытта кэпсэтиэҕэ. Манна бэриллибит үгүстүк хатыланар ыйытыылары мунньан, өрөспүүбүлүкэ Аҕа баһылыга эмиэ «Простыми словами» диэн аудиобиэриитигэр сиһилии ырытыаҕа.
Салайааччы норуотун кытта бииргэ буолуутун бу сонун көрүҥүн дойду эрэгийиэннээҕи проблемаларын Институтун социальнай чинчийиигэ лабораториятын салайааччыта Петр Кирьян РИА агентствотыгар эксперт быһыытынан Ил Дархан Айсен Николаев икки сыллааҕы үлэтин түмүгүн ырытарыгар бастыҥ холобур быһыытынан бэлиэтээн турар.
Елена ПОТОЦКАЯ, «Саха сирэ» хаһыат, edersaas.ru
Хаартыска — интэриниэттэн.