Кэлэр нэдиэлэттэн, атырдьах ыйын 24 күнүттэн, Токиоҕа Паралимпиада саҕаланар. Манна Арассыыйа сүүмэрдэммит хамаандатыгар киирэн, Саха сирин спортсменкалара — харбаааччы Анастасия Диодорова, охчут Степанида Артахинова уонна волейболистка Алена Дмитриева кыттыахтара.
Бэҕэһээ кыргыттары кытта видео-сибээһинэн Ил Дархан Айсен Николаев кэпсэттэ.
— Эһиги улахан маладьыастаргыт, хас биирдиигит бэйэҕит успуоркут көрүҥэр улахан көрдөрүүлэрдээххит, онон дойду хамаандатыгар сүүмэрдэннигит. Биһиги Паралимпиадаҕа кыттыыгытын көрүөхпүт, кыайаргытыгар эрэниэхпит, ыалдьыахпыт. Билигин өрөспүүбүлүкэбитигэр судургута суох күннэр-дьыллар буола тураллар, онон үтүө сонуну истиэхпитин баҕарабыт, — диэн Айсен Сергеевич эттэ.
Салгыы кыргыттар дьарыктара хайдах бара турарын кэпсээтилэр, өрөспүүбүлүкэ успуорка салалтатыгар махталларын тиэртилэр.
Андрей Сорокин хаартыскалара.