Бүгүн, тохсунньу 7 күнүгэр, Ил Дархан Айсен Николаев Дьокуускайга Преображенскай таҥара дьиэтигэр Ороһуоспатааҕы литургияҕа сырытта, дьоҥҥо-сэргэҕэ эҕэрдэтин тиэртэ.
—Бу ураты күн биһиги бастатан туран, доруобуйаны баҕарабыт. Быйылгы 2021 сыл өрөспүүбүлүкэбитигэр — Доруобуйа сыла. Бу эти-сиини эрэ чэбдигирдиинэн муҥурдаммакка, өйү-санааны чөл оҥорууга, чэбдигирдиигэ эмиэ сыһыаннаах, — диэтэ Саха сирин бары олохтоохторугар туһаайан Ил Дархан.
Ороһуоспатааҕы үөрүүлээх тэрээһин, литургия үгэс курдук, нууччалыы уонна сахалыы тылынан барда.
СӨ Ил Дархан уонна Бырабыыталыстыба пресс-сулууспата
Хаартыскаҕа Андрей Сорокин (СИА) түһэриитэ
+1
+1
+1
+1
+1
+1
+1