Ил Дархан ойуур баһаардарын сезонугар бэлэмнэниигэ улуустары кытары үлэни күүһүрдэргэ сорудахтаата

Бөлөххө киир:

Бүгүн Ил Дархан Айсен Николаев планёрнай сүбэ мунньах ыытта. Онно  СӨ бырабыыталыстыбатын иннигэр сүрүн соруктары туруорда: халаан, ойуур баһаарын сезонугар  бэлэмнэнии.

Өрөспүүбүлүкэ баһылыга улахан болҕомтону  уотунан, сылааһынан, гааһынан хааччыйар уонна да атын эбийиэктэргэ ууралларыгар эттэ. Горнай улууһун Өрт сэлиэнньэтигэр Хаар Балаҕан үрэх уутун таһыма үрдээн, бэҕэһээ ыксаллаах быһыы-майгы эрэсиимэ биллэриллибитэ. Манна 4 олорор дьиэ,  5  тиэргэн уонна хочуолунай, спортсаала ууга барбыттара.

Ойуур баһаарын сезонугар бэлэмнэнии туһунан  Айсен Николаев   муниципалитеттары кытары үлэни күүһүрдэргэ эттэ. Билиҥҥи туругунан өрөспүүбүлүкэҕэ ойуур баһаара суох.

Айсен Николаев сүбэ мунньах кэмигэр федеральнай таһымнаах дьоһун суолталаах быһаарыныылар тустарынан иһитиннэрдэ.  Сааҥсыйа кэмигэр экэниэмикэҕэ уонна нэһилиэнньэҕэ өйөбүл туһунан эттэ.  Ол курдук хомунаалынай уонна суол техникатын поставкатыгар ыарахаттары көрсүбүт предприятиелар чэпчэтиилээх кирэдьиитинэн туһанар кыахтаннылар. Маны таһынан дойду Аҕа баһылыга  Владимир Путин быһаарыытынан, 2022 сыл муус устар 1 күнүттэн 8-16 саастаах оҕолордоох кыаммат ыалларга саҥа ыйдааҕы төлөбүр олохтоммута.

СӨ Ил Дарханын уонна бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0