Ил Дархан: «Ойуур баһаара нэһилиэнньэлээх пууннарга кутталы үөскэппэт»
Ил Дархан Айсен Николаев бүгүн, киэһэ 20:00 чааска, социальнай ситимнэринэн быһа сибээскэ таҕыста.
Кини чуолаан өрөспүүбүлүкэҕэ ойуур баһаарын уонна коронавирус дьаҥын боппуруостарыгар сүрүн болҕомтотун уурда.
«Билигин барыта 148 ойуур баһаара умайар. Бу кэлиҥҥи нэдиэлэҕэ 90 баһаары умуруордубут. Ол түмүгэр элбэх иэн уоттан босхолонно. Бу күннэргэ Горнай улууһугар Маҕарас, Күөрэлээх баһаардарын тохтоттубут. Арҕаа улуустарга балаһыанньа эмиэ уустук. Улахан баһаардар Үөһээ Бүлүүгэ, Сунтаарга, Мииринэйгэ бааллар. Саамай сүрүнэ, нэһилиэнньэлээх пууннарга кутталы үөскэппэт. Авиалесоохрана көтөр ааллара былаан быһыытынан үлэлииллэр. Түгэнинэн туһанан, ойуур баһаарын умуруорууга үлэлии сылдьар ойуур хаһаайыстыбатын исписэлиистэригэр, баҕа өттүнэн көмөлөһө сылдьааччыларга ис сүрэхпиттэн махтанабын. Күн-дьыл туруга атырдьах ыйын бастакы саҥата кураан буолара күүтүллэр», — диэн Ил Дархан иһитиннэрдэ.
edersaas.ru