Ил Дархан: “Оҕолорго Саҥа дьыл — кылааһынан, бөлөҕүнэн эрэ”

Ааптар: 
Бөлөххө киир:

“Оскуолаларга, уһуйааннарга Саҥа дьыллааҕы харыйалары көҥүллүүбүт. Биллэн турар, бөлөҕүнэн, кылааһынан тус-туспа эрэ ыытылларын. Урукку курдук оскуола, уһуйаан оҕото барыта түмсэрэ табыллыбат. Төрөппүттэр сылдьаллара көҥүллэммэт. Тымныы Оҕонньор мааскалаах буолуоҕа”, — диэн Ил Дархан бүгүн Якутия 24 ханаалынан интервью кэмигэр иһитиннэрдэ.

 edersaas.ru

Ил Дархан хамсыгынан сибээстээн, ханнык даҕаны саҥа миэрэлэр ылыныллыбаттарын эттэ. Арай, Саҥа дьыллааҕы тэрээһини ыытыыга туспа быһаарыы тахсыаҕын, онно барыта ыйыллыаҕын иһитиннэрдэ.  “Былаас судаарыстыбаннай уорганнара, муниципальнай уорганнар тэрээһини онлайн эрэ ыытыахтара. Ханнык даҕаны бырааһынньыктааҕы улахан мунньаҕы быйыл тэрийбэппит. Хомойуох иһин, аралдьытар тэрээһиннэр эмиэ тохтууллар. Элбэх киһини мунньар табыллыбат. Олор билигин даҕаны көҥүллэммэттэр. Кэтээн көрөр уорганнар общепит үлэтин (Саҥа дьыллааҕы бырааһынньык) тохтотуохха диэн этии киллэрбиттэрэ эрээри, мин итини сөбө суох диибин. Син биир көҥүллүөхпүтүн наада. Ол гынан баран, 100-200 киһини мунньар табыллыбат. Билигин 15-тэн элбэх киһини мунньар бобуллар. Ол курдук, кыра тэрилтэлэр 15-тэн элбэҕэ суох буолан мустан бырааһынньыктаатыннар, онтон элбэх буолбатах”, — диэн чопчулаата.

Онон сотору кэминэн Саҥа дьыллааҕы туспа дьаһал тахсарын кэтэһэбит.

Людмила ПОПОВА, “Саха сирэ” хаһыат, edersaas.ru

Хаартыска: depositphotos.com

+1
0
+1
0
+1
0
+1
0
+1
0
+1
0
+1
0