Бүгүн, бэс ыйын 14 күнүгэр, СӨ Ил Дархана Айсен Николаев Ньурба уонна Үөһээ Бүлүү улуустарыгар үлэлиир.
Командировка сүрүн сыалынан өрөспүүбүлүкэ сиригэр-уотугар ойуур баһаардарын туһунан дьүүллэһии уонна Ньурба, Үөһээ Бүлүү улуустарыгар ойуур баһаардарыгар авиамониторинг ыытыллыытыгар кыттыы. Бу туһунан Ил Дархан пресс-сэкирэтээрэ Афанасий Ноев иһитиннэрдэ.
Маны таһынан, Ил Дархан Ньурба куоратыгар хаарбах, саахалланар туруктаах дьиэттэн дьону көһөрүү бырагырааматынан тутулла турар 49 кыбартыыралаах олорор дьиэни көрүө, үлэни-хамнаһы билсиэ, 250 миэстэлээх норуот айымньытын дьиэтин Ньурбатааҕы судаарыстыбаннай көһө сылдьар драматическай тыйаатырга сылдьыа уонна ситэри тутуллубатах «чэпчэки атлетиканан дьарыктанарга манежтаах 3 тыһ.миэстэлээх стадион» эбийиэгэр быһаарыы ылыаҕа.
Күн иккис аҥаарыгар Айсен Николаев Үөһээ Бүлүүгэ тиийиэҕэ. Онно кини САССР тэриллибитэ 100 сылынан 2022 сылга ыытыллыахтаах өрөспүүбүлүкэтээҕи Олоҥхо ыһыаҕын миэстэтин көрүөҕэ, тэрээһин былаанын билсиэҕэ.
СӨ Ил Дархан уонна Бырабыыталыстыба пресс-сулууспата
Хаартыска: yakutia-daily.ru
+1
+1
+1
+1
+1
+1
+1