Ил Дархан Нерюнгрига ыччат хамсааһыннарын бэрэстэбиитэллэрин кытары көрүстэ

Бөлөххө киир:

Талааннаах ыччаты олохсутуу сүрүн кистэлэҥинэн киниэхэ сөптөөх усулуобуйаны уонна олохтоох былааһы кытта аһаҕас кэпсэтиини тэрийии буолар. «Нерюнгри оройуонугар ыччат сайдар кэскиллээх. Сөптөөх идиэйэлэр уонна быһаарыныы үөскүүр», —  диэн этэр СӨ Ил Дархана Айсен Николаев.

Бу күннэргэ Ил Дархан Айсен Николаев үлэтинэн Нерюнгри оройуонугар сырытта. Бу тиийэ сылдьан кини ыччат хамсааһыннарын бэрэстэбиитэллэрин кытта көрүстэ, сайдыы таһымын туһунан кэпсэттэ. Нерюнгри оройуонугар балысхан сайдыылар киирээри тураллар. Ол курдук сир баайдаах саҥа сирдэри үөрэтии, модун инфраструктура сайдыыта о.д.а. «Бу уларыйыылар эһигини таарыйбакка ааспаттар. Онон бу бэриллэр тоҕоостоох түгэни мүлчү туппакка туһаныҥ, сайдыҥ. Биһиги эһигини истэбит, эһиги идиэйэҕитин эрэ этиҥ», — диэн ыччакка туһаайан эттэ кини.

Кини Дьокуускайга араас хайысхалаах ыччат түмсүүлэрэ баарын бэлиэтээтэ. Ол курдук эдэр архитектордар түмсүүлэрин бэлиэтээтэ. Кинини кытта көрсүһүү кэмигэр элбэх ыйытыы киирбитэ. Олортон М.К.Аммосов аатынан ХИФУ айти-технология исписэлииһин идэтигэр бэлэмниир салаа    киириэн сөбүн туһунан этии киирдэ. Онуоха Ил Дархан үөрэх сайдыы таһымыгар сүрүн миэстэни ыларын эттэ. Математика оскуолатын баазатыгар өрөспүүбүлүкэ бастыҥ айти-исписэлиистэрэ үүнэн тахсыбыттарын бэлиэтээтэ. «Үөрэх ситимин кытта сайдыы таһыма тэҥҥэ хардыылыахтаахтар» диэтэ – Биһиги университеты кытта бииргэ үлэлэһиэхпит. Университет  сайдыы таһымын үрдэтэр сиринэн буолуоҕа, — диэн тоһоҕолоон эттэ.

Ульяна Захарова, edersaas.ru

+1
0
+1
0
+1
0
+1
0
+1
0
+1
0
+1
0