Бүгүн ахсынньы 9 күнүгэр, өрөспүүбүлүкэ Ил Дархана Айсен Николаев Москва куораттан мультимедийнай пресс-кэмпириэнсийэни ыытыаҕа.
Айсен Николаев Саха сирин сайдыытын инники былаанын, ситиһиилэрин, ыытылла турар бырайыактар тустарынан кэпсиэҕэ. Ону сэргэ, Ил Дархан өрөспүүбүлүкэҕэ инвестиция киириитин, Өлүөнэ өрүһү туоруур муоста тутуллуутун, «Сибиир күүһэ» бырайыак иһинэн үлэлиир Чайыҥда ньиэп уонна гаас баайдаах сир туһунан ыйытыыларга хоруйдуоҕа.
Пресс-кэмпириэнсийэҕэ Саха сирэ Уһук Илин эрэгийиэнин уонна Арктика сайдыытыгар оруола, социальнай-экэнэмиичэскэй суолтата быһаарыллыаҕа.
Пресс-конференция «Арасыыйа бүгүн» Бэрэсидьиэн саалатыгар буоларын киэһэ 19 чааска СИА сайтыгар көрүөххэ сөп.
Ньургуйаана Иванова, «Саха сирэ» хаһыат, edersaas.ru
Хаартыска eventbooking.ru сайтан
+1
+1
+1
+1
+1
+1
+1