Ил Дархан Мииринэй уопсастыбаннаһын кытары көрүстэ

Бөлөххө киир:

Ил Дархан Айсен Николаев “АЛРОСА” хампаанньа генеральнай дириэктэрин Сергей Иванову кытары Мииринэй оройуонун уопсастыбаннаһын көрсөн ойуур баһаарын, саҥа үлэ миэстэтин таһаарыы, куорат сайдыытын, ону сэргэ Таас Үрэх, Сүлдьүкээр курдук ыраах сытар нэһилиэнньэлээх пууннарга тутуулары ыытыы туһунан кэпсэттэ. 

Айсен Сергеевич олохтоох нэһилиэнньэ оройуон сайдыытыгар хайаатар да санаатын этиэхтээҕин, миэстэтигэр салайааччылары кытары атах-тэпсэн олорон кэпсэтиэхтээҕин бэлиэтээтэ.

– Олохтоох нэһилиэнньэ иһиттэн талыллыбыт актыып оройуон сайдыытын, ол иһигэр хас биирдии нэһилиэнньэлээх пуун сайдыытын, түстүүр күүс буолар. Эһиги олохтоохтор этиилэрин, санааларын оройуон салалтатыгар тириэрдэҕит, оройуон, өрөспүүбүлүкэ, биһиэхэ кэлэн үлэлии сылдьар улахан хампаанньалар үлэлэригэр көмө-тирэх буолаҕыт. Ити, мин саныахпар, олус үчүгэй үгэс. Бу маны атын да улуустарга тарҕатан олоххо киллэриэххэ сөп, – диэн этэр кини.

Санатан эттэххэ, Мииринэй оройуонун актыыбын кытары Ил Дархан бу иккис көрсүһүүтэ буолар. Кэпсэтии түмүгүнэн салгыы бу маннык көрсүһүүнү Удачнайга былааннаатылар.

Аграфена КУЗЬМИНА, “Саха сирэ” хаһыат

+1
0
+1
0
+1
0
+1
0
+1
0
+1
0
+1
0