Сүрүн Уопсастыба

Ил Дархан МГУ ректора Виктор Садовничайы кытта көрүстэ

Саха сирэ уонна Ломоносов аатынан Москватааҕы судаарыстыбаннай университет бииргэ үлэлээһин хайысхаларын өрөспүүлүкэ Аҕа баһылыга Айсен Николаев уонна МГУ ректора Виктор Садовничай дьүүллэстилэр.

Айсен Николаев уонна Виктор Садовничай Саха сирэ «Вернадскай» консорциумҥа киириитин сиһилии ырыттылар.

«Биһиги Саха сирин кытта араас бырайыактары олоххо киллэрэн үлэлээбиппит хаһыс да сыла. «Вернадскай» консорциум бииргэ үлэлээһин бырайыактарын барытын кэлимник түмүөҕэ», — диэн бэлиэтээтэ Виктор Садовничий.

Маны тэҥэ, МГУ ректора Ил Дархан Айсен Николаев дипломугар кини илии баттааһына турарын тоһоҕолоон эттэ:

Биһиги аатырбыт кыһабытын бүтэрбит выпускниктарбыт дойду таһымыгар суолталаах ситиһиилэринэн киэн туттабыт.

Оттон Айсен Николаев: “Миэхэ, МГУ выпускнигар,  ректоры бэйэтин кытта атах тэпсэн олорон кэпсэтии долгутуулаах. Усмтудьуоннуу сылдьар кэммиттэн биһиги университеппыт дойдубут сайдыытыгар сүдү күүһүн уонна кыаҕын өйдүүр этим. Бүгүн Саха сирэ Уһук Илин стратегическай субъегын быһыытынан  МГУ курдук дойду тарбахха баттанар научнай таһымнаах үөрэҕин кыһатын кытта бииргэ үлэлэһинэ – кэм ирдэбилэ, — диэн санаатын үллэһиннэ.

Бүгүҥҥү күҥҥэ МГУ-га Саха сириттэн 100-тэн тахса устудьуон үөрэнэр. Быйыл аҥардас бастакы кууруска 28 саха ыччата үөрэнэр”, — диэн Ил Дархан уонна бырабыыталыстыба пресс-сулууспата иһитиннэрэр.

 

Елена ПОТОЦКАЯ, “Саха сирэ” хаһыат, edersaas.ru

0
0