Бүгүн, ахсынньы 25 күнүгэр, Ил Дархан Айсен Николаев Мэҥэ Хаҥалас улууһугар үлэлиир. Бу туһунан кини пресс-сэкирэтээрэ Афанасий Ноев иһитиннэрдэ.
Оробуочай сырыытын кэмигэр Айсен Николаев Аллараа Бэстээх бөһүөлэк олохтоохторун саҥа спортивнай комплекс аһыллыбытынан эҕэрдэлээтэ. Бу комплекс «Демография» нацбырайыак иһинэн үлэлиир «Спорт – норма жизни» федеральнай бырайыакка олоҕуран тутулунна.
Маны таһынан Ил Дархан ИТ-кииҥҥэ сылдьыаҕа. Бу киин Бизнес-инкубатор баазатыгар бу күһүн аһыллыбыта. Онтон Майа сэлиэнньэтигэр Д.Ф. Ходулов аатынан култуура киинин аһыллыытыгар кыттыаҕа.
edersaas.ru