Сүрүн Тырааныспар Экэниэмикэ

Ил Дархан Майыар нэһилиэгэр көттө

Бүгүн, алтынньы   13 күнүгэр, Ил Дархан Айсен Николаев Абый улууһугар оробуочай сырыытынан тиийдэ уонна тута Белай Гора авиапордугар  сөмөлүөт түһэр-көтөр балаһатын  саҥардан оҥоруу хайдах-туох бара турарын билистэ. Ити кэнниттэн салгыы дэлэгээссийэ Майыар национальнай нэһилиэгэр көттө. Киэһэ Абый улууһун 2024 сылга диэри  социальнай-экэнэмиичэскэй сайдыытын хайысхаларын торумнуур мунньах буолуоҕа.

Авиапортка тохтуур буоллахха, бүгүҥҥү күҥҥэ балаһаны саҥардан оҥоруу үлэтэ 49 % үмүрүтүллүбүт. Кыраапыгы урут түһүү баар. Билигин эбийиэккэ 18 киһи түүннэри-күнүстэри үлэлиир. Бэдэрээтчит «Новаком» диэн тэрилтэ. Федеральнай бырагыраама чэрчитинэн, балаһаны саҥардан оҥорууга 399 мөл. солк. көрүллүбүтүттэн 190 мөл. солк. туһаныллыбыт.  Онон быйылгы сылга 20 мөл. солк. туһаныллыахтааҕа хаалбыт. Эбийиэк былаан быһыытынан балтараа сыл тутуллар.
Саха сиригэр федеральнай анал бырагыраама чэрчитинэн, Дьокуускай, Өлүөхүмэ, Ньурба, Мииринэй, Черскэй, Эдьигээн, Белай Гора, Хаандыга, Үөһээ Бүлүү, Бүлүү, Депутатскай, Сангаар, Нерюнгри, Полярнай, Уус Ньара уонна Маҕан авиапортарыгар  тустаах өрөмүөн ыытыллар.

«Хотугу кыым» хаһыат матырыйаалынан

0
0