Ил Дархан Айсен Николаев Ленскэйгэ хоруона хамсыгын бохсууга үлэлэһэр суһал ыстаапка мунньахтаата.
Кини хоруона хамсыгын бохсууга оройуоннааҕы суһал ыстаап үлэтэ былырыыҥҥытааҕар уларыйбытын, эпидемиологическай быһыы-майгы хонтуруолга тутулларын эттэ.
«Эһиги эрэллээхтик үлэлиир буолаҥҥыт, былырыын Чайыҥдатааҕы ньиэп-гаас баайдаах сиргэ хоруона хамсыга туруутун суох оҥорууга улахан үлэ ыытыллыбыта», — диэтэ Айсен Николаев.
Маны сэргэ, нэһилиэнньэҕэ бу дьаҥы утары быһыыны биэрии көхтөөхтүк ыытыллара бэлиэтэннэ. Оройуоҥҥа быһыыны биэрии тэтимэ өрөспүүбүлүкэ орто көрдөрүүтүн кытары тэҥэ этилиннэ.
«Билигин быһыыны биэрии ыраах баар нэһилиэнньэлээх пууннарга ыытыллыахтаах. Ону сэргэ, сайаапка киирдэҕинэ, вакцина партията өрөспүүбүлүкэ бырамыысыланнай оройуоннарыгар ыытыллыахтаах», — диэн бэлиэтээтэ.
Оройуон баһылыга Жумарт Абильманов ленскэйдэргэ билигин коронавирус көрдөрүүтэ хамсаабакка турарын бэлиэтээтэ. Суһал ыстаап улахан үлэни ыытарын, сир баайын хостуур хампаанньаларга үлэ тиһиктээхтик салҕанарын иһитиннэрдэ.
Айсен Николаев Ленскэй оройуонугар коронавируһунан ыалдьыы үрдүгэ суоҕун да иһин, суһал ыстаапка быһыыны-майгыны ураты хонтуруолга туталларыгар итиэннэ кэтээн көрүүнү тиһиктээхтик оҥороллоругар соруйда.
СӨ Ил Дархан уонна Бырабыыталыстыба пресс-сулууспата
Андрей Сорокин (СИА) хаартыскаҕа түһэриилэрэ
+1
+1
+1
+1
+1
+1
+1