Көһө сылдьар мунньахха Бырабыыталыстыба Бэрэссэдээтэлин бастакы солбуйааччы Дмитрий Бердников Өлүөнэ өрүс хаҥас уонна уҥа биэрэктэригэр ыытыллар тутуу туһунан билиһиннэрдэ.
Бастакы түһүмэх — тутуу былааһаккаларыгар барар-кэлэр быстах суолу-ииһи оҥоруу, уҥа биэрэккэ уу аала тиксэр бириистэнин тутуу, уста сылдьар муосталары туруоруу уонна гаас, уот ситимнэрин холбооһун. Тутуу бастакы түһүмэҕин ыытыы көҥүллэннэ. Кэлэр сылга тутуу матырыйаалын харайар былаһааккалара, муоста тутааччыларын олорор дьиэлэрэ тутуллуохтара. Кэлэр-барар быстах суолу оҥоруохтара, инженернэй ситимнэри саҥардан уларытыахтара. Маны таһынан, быйыл пилоннары хомуйан таҥыы былаһаакката оҥоһуллуоҕа. Бу тэриллэри бастаан биэрэккэ оҥорон баран, ууга сыбаайаны туруорарга туттуохтара. Табаҕа боротуокатын нөҥүө ааһар искусственнай тутуу өһүөлэрин туруоруу былааннанар.
Өлүөнэ өрүһү туоруур үс пилоннаах вантовай ситимнээх муостаны — ураты транспортнай эбийиэги Росавтодор Федеральнай суол ааҕыныстыбатын Научнай тиэхэньиичэскэй сэбиэтэ бигэргэппитэ. Өлүөнэ муостатын тутуу бастакы түһүмэҕин тутууга сүрүннээн олохтоох хампаанньалартан 500 тутааччы үлэлиирэ былааннанар.
Елена ПОТОЦКАЯ, «Саха сирэ» хаһыат, edersaas.ru
Андрей Сорокин хаартыскаҕа түһэриитэ.