Бэлиитикэ Сүрүн

Ил Дархан Өлүөхүмэҕэ суол-иис, тырааныспар боппуруостарын көрдө

Бүгүн Ил Дархан Айсен Николаев Өлүөхүмэ оройуонугар сылдьан суол-иис, тырааныспар боппуруостарын көрдө. Өлүөхүмэ аэропорда эһиил үлэҕэ киириэхтээх.

Санатан эттэххэ, Саха сиригэр аэропортары саҥардыы 2024 сылга диэри магистральнай инфраструктураны кэҥэтии уонна саҥардыы биир кэлим былаанынан бара турар. 2019 сыллаахха Айсен Николаев этиитинэн бу федеральнай бырагыраамаҕа Дьокуускай, Мирнэй, Нерюнгри, Өлүөхүмэ, Ньурба, Черскэй, Эдьигээн, Хаандыга, Белай Гора, Үөһээ Бүлүү, Бүлүү, Депутатскай, Сангаар, Полярнай уонна Уус Ньара аэрпортара киирбиттэрэ. Мантан Эдьигээҥҥэ, Үөһээ Бүлүүгэ эбийиэктэр бары үлэҕэ киирбиттэрэ. Быйыл Белай Гораҕа, Бүлүүгэ, Депутатскайга, Сангаарга, Хаандыгаҕа уонна Нерюнгрига үлэлэр түмүктэниэхтээхтэр.

Өлүөхүмэ аэропордун саҥардыы бастакы түһүмэҕэ былырыын түмүктэммитэ. Бастакы түһүмэххэ көтөр балаһалары саҥардыбыттара. Салгыы балаһалары оҥоруу таһынан аэропорка анал эбийиэктэри тутуохтаахтар. Былаан быһыытынан, үлэ барыта эһиил сэтинньигэ түмүктэниэхтээх. Ил Дархан төһө да эбийиэктэри тутууга үлэ хаамыытынан кыһалҕалар үөскээтэллэр, ыйыллыбыт болдьоххо аэропорду олоххо киллэрэргэ эттэ.

Аграфена КУЗЬМИНА

0
0
Telegram Whatsapp