Ил Дархан коронавирус дьаҥыттан өлбүт дьахтар чугас дьонугар дириҥ кутурҕанын тиэртэ
26.04.2020
Саха сиригэр коронавирус дьаҥыттан 65 саастаах дьахтар тыына быһынна. Кини балыыһаҕа муус устар 12 күнүгэр пневмониялаан, ыарахан туруктаах киирбитэ.
Ил Дархан Айсен Николаев коронавирус дьаҥыттан өлбүт дьахтар аймахтарыгар дириҥ кутурҕанын тиэртэ. «Ыарыһах коронавирустаабытын туһунан диагноһы муус устар 13 күнүгэр туруорбуттар. Оттон муус устар 15 күнүттэн ыарыһаҕы ИВЛ аппаракка холбообуттар. Быраастар кини олоҕун быыһаарыы бары көмөнү оҥордулар да, хомойуох иһин, кинини быыһаабатылар. Кини чугас дьонугар, аймахтарыгар дириҥ кутурҕаммын тиэрдэбин», — диэн Айсен Николаев инстаграмыгар суруйда.
Ил Дархан бу ыарахан кэмҥэ дьиэҕэ бүгэн олоруу эрэсиимин кытаанахтык тутуһарга эттэ.
edersaas.ru
+1
+1
+1
+1
+1
+1
+1